തിരുവനന്തപുരം : അമ്മയറിയാതെ കുഞ്ഞിനെ ദത്ത് നൽകിയ സംഭവത്തിൽ ഡിഎൻഎ പരിശോധനാഫലം പുറത്ത്. കുഞ്ഞ് അനുപമയുടേത്‌ തന്നെയാണെന്ന് ഇതോടെ വ്യക്തമായി. മൂന്ന് പേരുടെയും ഡിഎൻഎ പരിശോധന ഫലം പോസിറ്റീവായി. പരിശോധന ഫലത്തിന്റെ റിപ്പോർട്ട് സിഡബ്ല്യുസിക്ക് കൈമാറി. സിഡബ്ല്യുസി ഇത് കോടതിയിൽ ഹാജരാക്കും.
അതേസമയം അനുപമ ഭയന്നപോലെ അട്ടിമറി നടന്നില്ല. ഡിഎൻഎ ഫലം പുറത്ത് വന്നതോടെ അനുപമയും ഭർത്താവും സമരപന്തലിൽ മിട്ടായി വിതരണം ചെയ്തു. ഡിഎൻഎ വിവരങ്ങൾ തനിക്ക് കൈമാറണമെന്ന് ആവിശ്യപ്പെട്ട് അനുപമ സിഡബ്ല്യുസിക്ക് കത്ത് നൽകി.