ആലപ്പുഴ: ആലപ്പുഴ ജില്ലയിലെ കായംകുളത്തു ഡി വൈ എഫ് ഐ പ്രവർത്തകർ രാജിവെച്ചു. കായംകുളം എം എൽ എ പ്രതിഭ ഹരിയും ചില നേതാക്കളും തമ്മിലുള്ള സ്വരച്ചേർച്ചയാണ് രാജിയ്ക്ക് കാരണമെന്നാണ് പുറത്ത് വരുന്ന റിപ്പോർട്ടുകൾ. ഡി വൈ എഫ് ഐ ബ്ലോക്ക് കമ്മിറ്റിയിലെ 21 പേരിൽ 19 പേരും രാജിവെച്ചു. ബ്ലോക്ക് വൈസ് പ്രസിഡന്റിന്റെ വീട്ടിൽ പോലീസ് റെയിഡ് നടത്തിയിരുന്നു. ഇതും രാജിയ്ക്കുള്ള പ്രധാന കാരണമാകാമെന്നും പറയുന്നുണ്ട്.
കായംകുളം എം എൽ എയായ പ്രതിഭ ഹരിയ്ക്ക് നേരെ സമൂഹ മാധ്യമങ്ങളിൽ വിമർശനവും ആക്രമണവുമായി കായംകുളത്തെ ചില ഡി വൈ എഫ് ഐ നേതാക്കൾ വന്നിരുന്നു. ഇതേ തുടർന്ന് എം എൽ എ ഫേസ്ബുക്കിൽ പോസ്റ്റ് ഇടുകയും സംഭവം വിവാദമാവുകയും ചെയുകയായിരുന്നു.