ടെലിവിഷൻ ഷോകളിൽ അവതാരകയായി എത്തി പിന്നീട് ബിഗ് ബോസ്സ് എന്ന റിയാലിറ്റി ഷോയിൽ കൂടി നിരവധി ആരാധകരെ സമ്പാദിച്ച താരമാണ് പേർളി മണി. കുട്ടിത്തം നിറഞ്ഞ പേർളിയുടെ സംസാരം പ്രേക്ഷകരെ പേർളിയിലേക്ക് കൂടുതൽ അടുപ്പിച്ചു. ബിഗ്‌ബോസ് വീട്ടിലെ മറ്റൊരു മത്സരാർത്ഥി കൂടിയായിരുന്ന സീരിയൽ താരം ശ്രീനിഷാണ് പേർളിയുടെ ഭർത്താവ്. ബിഗ് ബോസ്സ് വീട്ടിൽ വെച്ച് ഇരുവരും പ്രണയത്തിലത്തോടെ നിരവധി പേര് പിന്തുണച്ചും വിമർശിച്ചും രംഗത്ത് വന്നിരുന്നു.
ഷോ വിജയിക്കാൻ ഉള്ള അഭിനയമാണ് എന്ന് വരെ കമന്റ്‌ ഇട്ടവരെ പോലും ഞെട്ടിച്ചുകൊണ്ട് ഇരുവരും വിവാഹതിരാവുകയിരുന്നു. സിനിമയിലും റിയാലിറ്റി ഷോകളിൽ മാത്രമല്ല ടിക് ടോക്കിലും പേർളി വൈറലാണ്. ഭർത്താവ് ശ്രീനിഷിന് ഒപ്പമുള്ള ടിക് ടോക് വീഡിയോകൾ ഏറെ പ്രചരണം നേടിയിരുന്നു. സോഷ്യൽ മീഡിയയിൽ സജീവമായ ഇരുവരും ഇടക്ക് ഫോട്ടോസും പങ്കുവെക്കാറുണ്ട്. ഇപ്പോൾ പേർളി നടത്തിയ ഒരു വെളിപ്പെടുത്തലാണ് വൈറലാകുന്നത്, തനിക്ക് കല്യാണം കഴിക്കണമെന്നും ഭർത്താവ് വേണമെന്ന് ഒന്നും ആഗ്രഹമില്ലായിരുന്നു എന്നാണ് പേർളി വെളിപ്പെടുന്നത്. ഒരു കുഞ്ഞിനെ ദത്ത് എടുത്ത് വളർത്താൻ ആഗ്രഹിച്ചിരുന്ന തന്റെ ജീവിതത്തിലേക്ക് ശ്രീനിഷ് കടന്ന് വന്നത് അപ്രത്യക്ഷമായിയാണ് എന്നാണ് പേർളി പറയുന്നത്.
ഒരു പ്രണയം പരാജയപെട്ടു മൂന്ന് നാല് കൊല്ലം ജീവിതം കടന്ന് പോയപ്പോൾ വിവാഹം എന്ന ആഗ്രഹം ഒന്നും ഒരിക്കലും മനസ്സിൽ തോന്നിയിരുന്നില്ല സിംഗിളായി താൻ നടന്ന സമയത്താണ് കൂട്ടുകാർക്ക് ഒകെ കുഞ്ഞുങ്ങൾ ഉണ്ടാകുന്നത്. കുഞ്ഞിന് ഒപ്പം അവർ നേരം ചിലവ് ഇടുന്നത് കാണുമ്പോളും, കളിക്കുന്നത് കാണുമ്പോളും തനിക്കും ഒരു കുഞ്ഞു വേണമെന്ന് തോന്നി പക്ഷെ അപ്പോളും വിവാഹം, ഭർത്താവ് ഒന്നും വേണമെന്ന് തോന്നിയില്ല. ഒരു കുഞ്ഞിനെ ദത്ത് എടുത്ത് വളർത്തുന്ന കാര്യം ഡാഡിയോട് വാശി പിടിച്ചു സമ്മതിച്ചു വരുമ്പോളാണ് ബിഗ്‌ബോസിലേക്ക് അവസരം ലഭിക്കുന്നതും അവിടെ വെച്ച് ശ്രീനിയെ കാണുന്നതും ഇഷ്ട്ടപെടുന്നതെന്നും പേർളി മണി പറയുന്നു
