ബാംഗ്ലൂർ: കൊറോണ വൈറസ് പടരുന്ന സാഹചര്യത്തിൽ ഒരു വർഷത്തെ ശമ്പളം പ്രതിരോധ നടപടികൾക്കായി സർക്കാരിന്റെ ദുരിതാശ്വാസ നിധിയിലേക്ക് നൽകുമെന്ന് കർണ്ണാടക മുഖ്യമന്ത്രി ബി എസ്‌ യെദിയൂരപ്പ. ഇത് സംബന്ധിച്ചുള്ള വിവരം ട്വിറ്റർ അകൗണ്ടിലൂടെയാണ് യെദിയൂരപ്പ പുറത്തു വിട്ടത്. കൂടാതെ കൊറോണ വൈറസിനെ പ്രതിരോധിക്കുന്നതിന് വേണ്ടി അവനവനാൽ കഴിയുന്ന വിധത്തിലുള്ള സഹായം സർക്കാരിന്റെ ദുരിതാശ്വാസ നിധിയിലേക്ക് സംഭാവന ചെയ്യണമെന്നും അദ്ദേഹം പറഞ്ഞു.
എംപിമാരും എം എൽ എമാരും അടക്കമുള്ളവർ സംഭാവന നല്കാൻ ആഗ്രഹം ഉണ്ടെങ്കിൽ ഓൺലൈൻ വഴിയോ ഡി ഡിയായോ ചെക്കായോ പണം ദുരിതാശ്വാസ നിധിയിലേക്ക് നൽകണമെന്നും യെദിയൂരപ്പ ആവശ്യപ്പെട്ടു.
It is a very difficult time that we are all going through. And it is important that we fight this epidemic together. Personally, I am donating my one year's salary to the #CMRF Covid19. I request you all to contribute, however small, and help #Karnataka fight #Corona.
Thank you pic.twitter.com/15jwrk1Ixz— B.S. Yediyurappa (@BSYBJP) April 1, 2020
