ശ്രീനഗര്: തീവ്രവാദ സംഘടനയായ ഹിസ്ബുള് മുജാഹിദീനുമായി ബന്ധമുള്ള യുവാവിനെ എന് ഐ എ അറസ്റ്റ് ചെയ്തു. മറ്റൊരു മുജാഹിദ്ദീന് തീവ്രവാദിയെ ചോദ്യം ചെയ്യുന്നതിനിടെയാണ് താരിഖിനെ കുറിച്ചുള്ള വ്യക്തമായ വിവരങ്ങള് എന്ഐഎയ്ക്ക് ലഭിച്ചത്.
ഇയാൾ തീവ്രവാദ പ്രവർത്തങ്ങൾ നടത്തുന്നത് മറയാക്കാൻ ബിജെപിയിൽ ചേർന്നിരുന്നു എന്നാൽ ഇയാളെ 2018 ൽ ബിജെപിയിൽ നിന്ന് പുറത്താക്കിയിരുന്നതായും റിപ്പോർട്ട്.
ഹിസ്ബുൾ തീവ്രവാദികളുമായി ബന്ധപ്പെട്ട് നടന്ന അന്വേഷണത്തിലാണ് ഇയാൾ അറസ്റ്റിലാകുന്നത്. ജമ്മുവിലെ എന്ഐഎ കോടതിയില് ഹാജരാക്കിയ താരിഖിനെ ആറു ദിവസത്തെ പോലീസ് കസ്റ്റഡിയില് വിട്ടു. തീവ്രവാദികള്ക്ക് ആയുധങ്ങള് എത്തിക്കുന്നത് താരിഖ് ആണെന്ന് കണ്ടെത്തിയതിനെ തുടർന്നാണ് അറസ്റ്റ് ചെയ്തത്.