പെൺകുട്ടിയുടെ പാന്റിന്റെ സിബ് അഴിക്കുന്നതും,കയ്യിൽ പിടിക്കുന്നതും ലൈംഗിക അതിക്രമമല്ല ; വീണ്ടും വിവാദ ഉത്തരവുമായി ബോംബെ ഹൈക്കോടതി

വസ്ത്രത്തിന് പുറത്തുള്ള സ്പർശനം പീഡനമല്ലെന്ന വിവാദ ഉത്തരവിന് പിന്നാലെ മറ്റൊരു വിവാദ ഉത്തരവുമായി വീണ്ടും ബോംബെ ഹൈക്കോടതി. പ്രായപൂർത്തിയാകാത്ത പെൺകുട്ടിയുടെ പാന്റിന്റെ സിബ് അഴിക്കുന്നതും,കയ്യിൽ പിടിക്കുന്നതും ലൈംഗിക അതിക്രമായി കാണാനോ പോക്സോ കേസിന്റെ പരിധിയിൽ പെടുത്താനോ പറ്റില്ലെന്നും ബോംബെ ഹൈക്കോടതി.

നേരത്തെ വിവാദ ഉത്തരവിറക്കിയ ജസ്റ്റിസ് പുഷ്പ കനേഡിവാലയാണ് ഈ വിധിയും പ്രഖ്യാപിച്ചത്. അഞ്ച് വയസുകാരിക്കെതിരെ ലൈംഗീക അതിക്രമം നടത്തിയ മധ്യവയസ്കന്റെ അപ്പീലിലാണ് കോടതിയുടെ ഈ ഉത്തരവ്. പ്രതിക്ക് നേരത്തെ സെഷൻസ് കോടതി അഞ്ച് വര്ഷം കഠിനതടവ് വിധിച്ചിരുന്നു. വിധിക്കെതിരെ ഹൈക്കോടതിയിൽ നൽകിയ അപ്പീലിലാണ് പെൺകുട്ടിയുടെ കയ്യിൽ പിടിച്ചതും പാന്റിന്റെ സിബ് അഴിച്ചതും ലൈംഗീക പീഡനത്തിന്റെ പരിധിയിൽ വരില്ലെന്ന് ഹൈക്കോടതി നിരീക്ഷിച്ചത്.

രണ്ട് വര്ഷം മുൻപാണ് പ്രതി പെൺകുട്ടിക്കെതിരെ ലൈംഗീക അതിക്രമം നടത്തിയത്. പെൺകുട്ടി വീട്ടിൽ തനിച്ചായ സമയത്ത് പ്രതി വീട്ടിലേക്ക് അതിക്രമിച്ച് കയറി പെൺകുട്ടിയുടെ കയ്യിൽ പിടിക്കുകയും പാന്റിന്റെ സിബ് ഊരുകയും ചെയ്തത്. എന്നാൽ ജോലി കഴിഞ്ഞ് തിരിച്ചെത്തിയെ അമ്മയെ ബഹളം വച്ചതോടെ ഓടി രക്ഷപ്പെടുകയായിരുന്നു.

ബോംബെ ഹൈക്കോടതി നേരത്തെ ഇറക്കിയ ഉത്തരവ് രണ്ടാഴ്ചത്തേക്ക് സുപ്രീം കോടതി സ്റ്റേ ചെയ്തിരുന്നു. അതിനിടയിലാണ് ബോംബെ ഹൈക്കോടതിയുടെ പുതിയ വിധി.

അഭിപ്രായം രേഖപ്പെടുത്തു