ട്യൂഷനെടുക്കാൻ വീട്ടിലെത്തിയ അധ്യാപികയുടെ അശ്ലീല ദൃശ്യങ്ങൾ പതിനാറുകാരൻ മൊബൈൽ ഉപയോഗിച്ച് പകർത്തിയതായി പരാതി

പൂനെ : ട്യൂഷനെടുക്കാൻ വീട്ടിലെത്തിയ അധ്യാപികയുടെ അശ്ലീല ദൃശ്യങ്ങൾ പതിനാറുകാരൻ മൊബൈൽ ഉപയോഗിച്ച് പകർത്തിയതായി പരാതി. വിദ്യാർത്ഥിയുടെ വീട്ടിൽ ട്യൂഷൻ എടുക്കാൻ എത്തിയ അധ്യാപികയുടെ ശുചിമുറി ദൃശ്യങ്ങളാണ് പതിനാറുകാരൻ മൊബൈൽ ഫോണിൽ പകർത്തിയത്. അഞ്ച് വർഷത്തോളമായി വിദ്യാർത്ഥിക്ക് അധ്യാപിക ട്യൂഷൻ എടുക്കുന്നുണ്ട്.

കഴിഞ്ഞ ദിവസമാണ് ശുചിമുറിയുടെ ജനൽ പാളികൾക്കിടയിൽ മൊബൈൽ ഫോൺ വെച്ചിരിക്കുന്നതായി അധ്യാപികയുടെ ശ്രദ്ധയിൽപെട്ടത്. തുടർന്ന് അധ്യാപിക പോലീസിൽ പരാതി നൽകുകയായിരുന്നു. പരാതിയെ തുടർന്ന് പോലീസ് വിദ്യാർത്ഥിയുടെ ഫോൺ കസ്റ്റഡിയിലെടുത്ത് പരിശോധിച്ചപ്പോൾ അധ്യാപികയുടേത് അടക്കം നിരവധി അശ്ലീല ദൃശ്യങ്ങൾ ഫോണിൽ നിന്നും കണ്ടെത്തി.

ശുചിമുറി ദൃശ്യങ്ങൾ കൂടാതെ അധ്യാപിക നടക്കുന്നതും,ഇരിക്കുന്നതും ക്‌ളാസ് എടുക്കുന്നതുമായ നിരവധി ദൃശ്യങ്ങൾ വിദ്യാർത്ഥിയുടെ മൊബൈലിൽ നിന്നും ലഭിച്ചു. കുറച്ച് കാലങ്ങളായി വിദ്യാർത്ഥി അധ്യാപികയുടെ നഗ്ന ദൃശ്യങ്ങൾ പകർത്തിയിരുന്നതായാണ് പോലീസ് നൽകുന്ന വിവരം. ശുചിമുറിയിൽ മൊബൈൽ ക്യാമറ ശ്രദ്ധിച്ചതിനെ തുടർന്ന് അധ്യാപിക പതിനാറുകാരനോട് മൊബൈൽ ആവിശ്യപെട്ടെങ്കിലും വിദ്യാർത്ഥി തയ്യാറായില്ല തുടർന്നാണ് അധ്യാപിക പരാതിയുമായി പോലീസിനെ സമീപിച്ചത്.