വിവാഹം കഴിക്കാൻ പോകുന്ന ആൾക്ക് നഗ്ന്ന ചിത്രങ്ങൾ നൽകുന്നതിൽ തെറ്റില്ല ; പന്ത്രണ്ട് വയസുകാരിയുടെ നഗ്ന്ന ചിത്രങ്ങൾ കൈക്കലാക്കി ഭീഷണിപ്പെടുത്തിയ യുവാവ് അറസ്റ്റിൽ

ആലപ്പുഴ : ബന്ധുവായ സുഹൃത്തിന്റെ ഫോണിൽ നിന്നും പെൺകുട്ടിയുടെ നമ്പർ കൈക്കലാക്കി സൗഹൃദം സ്ഥാപിക്കുകയും നഗ്ന്ന ചിത്രങ്ങൾ കൈക്കലാക്കുകയും അതുവെച്ച് ഭീഷണിപ്പെടുത്തുകയും ചെയ്ത സംഭവത്തിൽ യുവാവ് അറസ്റ്റിൽ. കായംകുളം സ്വദേശി അഭീഷ് ആണ് അറസ്റ്റിലായത്. സുഹൃത്തിന്റെ ഫോണിൽ നിന്നും ലഭിച്ച പന്ത്രണ്ട് വയസുകാരിയുടെ ഫോണിലേക്ക് നിരന്തരം മെസേജ് അയക്കുകയും സൗഹൃദം സ്ഥാപിക്കുകയും ചെയ്ത അഭീഷ് പെൺകുട്ടിക്ക് വിവാഹ വാഗ്ദാനവും നൽകി.

സൗഹൃദം പ്രണയമായതോടെയാണ് പ്രതി പെൺകുട്ടിക്ക് വിവാഹവാഗ്ദാനം നൽകിയത്. തുടർന്ന് പ്രതി പെൺകുട്ടിയോട് നഗ്ന്ന ചിത്രങ്ങൾ ആവിശ്യപെടുകയായിരുന്നു. എന്നാൽ നഗ്ന്ന ചിത്രങ്ങൾ നൽകാൻ പെൺകുട്ടി ആദ്യം തയ്യാറായില്ലെങ്കിലും പ്രതിയുടെ നിരന്തരമായ ആവിശ്യങ്ങൾക്ക് മുന്നിൽ പെൺകുട്ടി സമ്മതിക്കുകയായിരുന്നു. വിവാഹം കഴിക്കാൻ പോകുന്ന ആൾക്ക് നഗ്ന്ന ചിത്രങ്ങൾ നൽകുന്നതിൽ തെറ്റില്ലെന്നും തന്നില്ലെങ്കിൽ വിശ്വാസ വഞ്ചനയാണെന്നും പറഞ്ഞാണ് പ്രതി പെൺകുട്ടിയുടെ മനസ്സ് മാറ്റിയത്.

പെൺകുട്ടിയിൽ നിന്നും നഗ്ന്ന ദൃശ്യങ്ങൾ കൈക്കലാക്കിയ പ്രതി പെൺകുട്ടിയെ വീടിന് പുറത്തെത്തിച്ച് മറ്റൊരു സ്ഥലത്ത് കൊണ്ടുപോകാനുള്ള ശ്രമവും നടത്തിയിരുന്നു ഇതിന് പെൺകുട്ടി തയ്യാറാവാത്തതിനാൽ പ്രതി ആ ശ്രമം ഉപേക്ഷിക്കുകയായിരുന്നു. തുടർന്ന് നഗ്ന്ന ചിത്രങ്ങൾ ഇന്റർനെറ്റിൽ പ്രചരിപ്പിക്കുമെന്ന് ഭീഷണിപ്പെടുത്തി പെൺകുട്ടിയുടെ പക്കൽ നിന്നും നിരവധി തവണ പ്രതി പണം കൈക്കലാക്കി. അച്ഛന്റെ ഗൂഗിൾ പേ ഉപയോഗിച്ചാണ് പ്രതിക്ക് പെൺകുട്ടി പണം നൽകിയത്. ഇത് ശ്രദ്ധയിൽപെട്ട മാതാപിതാക്കളുടെ അന്വേഷണത്തിലാണ് സംഭവം പുറത്തറിയുന്നത്. പിന്നീട് പെൺകുട്ടിയുടെ കുടുംബം നൽകിയ പരാതിയിൽ പോലീസ് പ്രതിയെ അറസ്റ്റ് ചെയ്യുകയായിരുന്നു.

അഭിപ്രായം രേഖപ്പെടുത്തു