കോവിഡ് 19: ബാംഗളൂരിൽ ഇന്ന് രാത്രി മുതൽ സമ്പൂർണ്ണ ലോക്ക് ഡൗൺ

ബാംഗ്ലൂർ: കോവിഡ് വൈറസ് വ്യാപനം രൂക്ഷമായതിനെ തുടർന്ന് ഇന്ന് രാത്രിമുതൽ ബാംഗളൂരിൽ സമ്പൂർണ്ണ ലോക്ക് ഡൗൺ പ്രഖ്യാപിച്ചു. ഇന്ന് രാത്രി 8 മണിമുതൽ ഇരുപത്തിരണ്ടാം തീയതി പുലർച്ചെ 5 മണി വരെയാണ് ലോക്ക് ഡൗൺ പ്രഖ്യാപിച്ചിരിക്കുന്നത്. ലോക്ക് ഡൗണിനെ തുടർന്ന് മറ്റ് ജില്ലകളിൽ നിന്നുള്ള വാഹനങ്ങളും മറ്റു സംസ്ഥാനങ്ങളിൽ നിന്നുള്ള വാഹനങ്ങളും ജില്ലയിലെ അനുവദിക്കില്ല.

അടിയന്തരമായി അന്തർസംസ്ഥാനത്തോ ജില്ലകളിലേക്കോ പോകണമെങ്കിൽ സേവസിന്ധു പോർട്ടലിൽ രജിസ്റ്റർ ചെയ്യണം. കൂടാതെ ബാംഗ്ലൂരിനുള്ളിൽ തന്നെ അടിയന്തരമായി യാത്ര ചെയ്യണമെങ്കിൽ പാസ് എടുക്കണം. പഴം, പച്ചക്കറി, പാൽ, മത്സ്യം, മാംസം തുടങ്ങിയവ വ്യാപാര സാധനങ്ങൾ പുലർച്ചെ 5 മണി മുതൽ ഉച്ചയ്ക്ക് 12 മണി വരെ തുറക്കാനെ അനുമതിയുള്ളൂ.